Siúlóirí I mBaile an Chalaidh leis na Triúr Deirféar i gcéin

Cód Tuaithe

Pleanáil Slí agus Comhairle Sábháilteachta

• Úsáid do cheann agus tú amuigh ag siúl – bí cúramach agus na cuir tú féin ná éinne I mbaol.
• Roghnaigh slí a oireann dod’choprachahinn agus taithí.
• Dein cinnte réamhfhaisnéis aimsire a fháil roimh dul amach agus dein pleanáil cuí. Coimeád súil ar athraithe san aimsir, má thosnaíonn sé ag dul in olcas cas thar n-ais nó tóg bealach slí eile muna bhfuil an ceann romhat sábháilte.
• Faigh comhairle ó dhaoine áitiúla mar is acu san a bheidh an t-eolas is fearr.
• Tabhair go leor ama don siúl – ní rás atá ann ach ag an am céanna bí aireach faoi am luí na gréine agus bíodh se I gceist agat bheith ar ais roimh san.
• Do aon siúlóid, nó cuid so shiúlóid, atá ar an trá dein cinnte go bhfuil eolas taoide agat chun ná beifeá greamaithe ag leibhéal uisce árd.
• Fág eolas faoi do shiúl le duine éigin agus dein teagmháil leo nuair a fhilleann tú ar ais go sábhailte.

Eadach agus Trealamh

• Braitheann an méid trealamh agus éadach a bheidh ag teastáil uait ar an méid ama a bheidh tú ag siúl, an saghas slí a bheidh romhat agus cúrsaí aimsire.
• Ag siúl faoin aer in Éirinn tá sé tábhachtach iad seo a choimeád id’intinn:
• Cóta báistí
• Buataisí siúil nó bróga a oireann don talamh ar a mbeidh tú ag siúl
• Tabhair go leor bia agus deochanna leat.
• Tabhair fón póca leat – tá siad áisiúil I gcás éigeandála ach ní cheart duit brath orthu ar eagla ná bíonn clúdach raoin ar fáil.
• Tabhair léarscáil, hata, láimhínní, briste báistí, tóirse, feadóg agus fearas garchabhrach leat.
• Bí aireach le trácht ar gach bóthar a shiúlann tú.
• Ná bíodh deabhadh ort, tóg sosanna go rialta agus an-tábhachtach … bain taitnemah as!

Má théann rud éigin mícheart …

Má bhíonn tú caillte:

• Fan socair, féach thar timpeall ort agus cuimhnigh ar an mbealach atá díreach siúlta agat agus an marcálaí deireanach a chonaic tú. Má tá tú tar éis marcálaí a chailleadh téir ar ais go dtí an ceann deireanach gur cuimhin leat.
• Féach ar do léarscáil agus dein iarracht do láthair a oibriú amach chomh maith leis an treo ina bhfuil tú ag taisteal.

I gcás éigeandála nó timpiste:

• Is féidir glaoch ar 112 nó 999 agus an Tarrtháil Sléibhe a lorg – is seirbhís deonach iad an Tarrtháil Sléibhe agus ní cóir glaoch orthu ach i bhfíor gcás éigeandala.
• Má bhíonn ort duine/daoine a sheoladh chun cabhair a fháil dein cinnte go bhfuil bealach slí ar ais ar eolas acu agus eolas faoi aon ghortú.
• Dein iarracht aon ghortú a shocrú chomh fada agus is féidir leat agus coimeád an t-othar te agus compórdach. Bí cinnte go mbíonn gach duine te agus compórdach ar eagla go dtógann sé cúpla uair roimh a thagann cabhair.

LEAVE NO TRACE

Tabhair leat é … tabhair leat thar n-ais é!

Clár eitice is ea Leave No Trace atá curtha le chéile chun áineas faoin aer a spreagadh agus a chur chun cinn trí oideachas, taoghde agus comhpháirtíocht.

7 Prionsabal Leave No Trace

• Ullmhú agus Pleanáil
• Bí tuisceannach
• Bíodh meas agat ar ainmhithe agus fiadhúlra
• Taisteal agus campáil ar thalamh cuí
• Fág cad a fhaigheann tú
• Cuir brúscar díot sa slí cuí
• Ná las tinte